سوپاس بۆ مانگ و هاوڕێكانی
 

شاڵاو حه‌بیبه

 

‌
1
كانییه‌كه‌..
له‌ دووره‌وه‌ پێده‌كه‌نێ‌،
نازانێ‌ به‌ ڕۆژووم.

2
پڕ بوون له‌ مانگ
گۆزه‌كان
له‌ كانی

3
مانگی چوارده‌ به‌ ئاسمانه‌وه‌
دایكم كولێره‌ ده‌ردێنێ‌
كۆرپه‌كه‌ ده‌گری

4
سپاس بۆ مانگ و هاوڕێكانی
به‌ فریامان هاتن
له‌ دارستانه‌كه‌

5
دایكم..
گه‌ڵاكان ده‌ژمێرێ‌،
منیش فرمێسكه‌كانی.

6
دایكم دڵی گیرا
میوانه‌كه‌..
چایه‌كه‌ی نه‌خوارده‌وه‌و ڕۆی.

7
كه‌ خوریه‌كه‌ی ته‌واو ده‌بێ‌
سه‌یری هه‌وره‌كان ده‌كا
دڵی ته‌شیه‌كه‌ی ده‌داته‌وه‌

8
هه‌موو پاییزم
بانگ كرده‌ ناو دڵم
تا دایكم، باغ جێنه‌هێڵێ‌.

9
دایكم مرد
كۆلاره‌كه‌م
تووڕدا....

 

10
له‌نێوان گه‌ڵاكان و
گسكه‌كه‌ی دایكم
دڵی من په‌رێشانه