دزانم شاعرهكێ مهستى بۆ ژنهكى دنڤێسى و بهريكێت وێ تژى نامێت
خيانهتينه
بۆ كچهكێ دنڤێسى دناڤ دهرياى دا خانيهكێ ژ خيزى ئاڤا كريه و تێدا فرين
كرينه رستكهكهك و دگهردنا ماسيان كرينه .
چێ بێژم من تاقهتا ههى كابوسێت ته ههلگرم و بێتاقهتيا ته بكهمه
سابهتهك و ههموو پهلاتينكا كۆم بكهم وگۆرانيهكى بۆ بسترم
دشێم سيبهرێ بكهمه سترانهك بۆ مرنێ تا هندهك ژ مه دووير بيت .
ئاى روحا هێمنا هێرويا وهرا بازده و دناڤ خوها شعران دا خۆ برهنگێن
كاليبتوسێ كهسك بكهين .
چهند جوانى
دشێى ترياكێ من ژ پوليسێت ئهسمانى ڤهشێرى
وحهشيشێ دناڤ بهريكێت باى دا بهرزه كهى
وهره بێ سلاڤ ، وهره شعرێت خۆ بكهينه سترانهكى بێهنا مه ژێ بێت
تو چهندێ بتهنێى..
شهنگ وهك شاعيرێن دونياى نينى
ستێرهكى ژ ئهسمانى تورهبوى
نا
تۆ مينا هولما زهڤياى، دهما دگهل ههتاڤێ دفريت پشتى بارانێ
روحا ته مينا سترانهكا مانديه پشتى شهرى
ئاى چهند ته دئهڤينم
بهێله سترانهكێ پێكهڤه بێژين
و پێشكێشى بالندا بكهين
وهره تو سيبهر و بهلگێت خۆ بينه
ئهزژى تهم و باران
خانيهكێ نوى لسهر پشتا ههسپهكێ ئاڤا كهين
تا ئێره هاتم هێشتا نزانم ئهڤه شعرا منه
يان ههتاڤهك ژبه ريكا ته كهتيه
تا ڤێرى هاتم و نزانم ته تاقهت ههيه
تليهكا تريێ تايهفى بكهى شهرابهك سپى و بسهر من دا برێژى
شهنگه من تاقهت ههيه زهمهنهكى لبهندا ته بم
دا بێژمه ته ئهز ته دئهڤينم
دا بێژمه ته وهره چوارينهكا خهيامى بۆ من بخوينه
و باوهريا سوهرهوهردى بكه ههێڤێنێ بارانا حهوشا مه
ئێدى من تاقهت ههيه تف كهمه ههموو ههبوونێ ... بۆ باوهشهكى ته
دناڤبهرا من و تهدا عشقهك ههيه وهك عشقا حهلاجى بۆ خودى
وهره پێكڤه خۆ ههلێڤرين و خۆ ب شعرهكى بشۆين
وهره ئهز ته د ئهڤينم ........
