تشتێ ژ ههميا پتر من دكێشنه بيرێن زاروكينيێ، ئهو روژێن نهخوشن
ئهوێن خهونێن من تێدا نهبوينه راستى! خهونا ژ ههميان ژى پتر
كهنيا من دگهل دهێت، ههكو ل ماتانێ دهقێ من يێ سور (فهروى)
ژمن برى و وێ شهڤێ ههميێ مات ژ عهسمانى دبارين. ههكو ئهز
مهزن بويم ژى لبيرا منه بهرى قهستا چيايى بكهم من حاسيبه
كره دناڤ دهستێن خوه دا و قهدێن دارا لدويف روژێن زڤستانێ
دبرين و روژێ دێ چهند سوپێن دارا هلكهم. چ جارا ژى ژبيرا من
ناچيت ههكو من نڤێژ لسهر ستريا دكرن و چهند ئهو سترى ددژوارتر
ژي بان و جهێ من سهرێ خوه لێ بو سوجدێ دبر نهخوشتربا، من هزر
دكر ئهز پتر يێ نێزيكى خێرا دبم. ل ههوه ناڤهشێرم من زمانێ
ئاخفتنێ نهبو تا ئهڤ رهش رهشكه دهركهتين، نوكه ئهز دشێم
ههمى تشتهكێ من ددلێ خوهدا خرڤه كرى دارێژمێ. ل بهراهيێ
ههميا جلێن كوردى و شيتك دكرنه بهرخو، ههلهى بابێ وى
رهختهكێ ساجورا ل پشتا خوه ب شدينيت. دهرسوكێن سور لسهر
ئێزديا هاتنه گرانكرن و ههڤجار ب گێسنێ تهرهكتورێ هاته گوهرين
و تهقچكێن روينشتنێ ژى بونه كورسيكێن لسهر تايرا و ههر كهسێ
كورسيكهك ب تالع و نهسيبى گههشتيێ، ئهنيا خوه پێڤهنا و نڤێژ
بوكرن! ههميا دڤيا خهون ههبان و ههميان ژى خهون ب وان
كورسيكان ڤهدديتن. دهولهت سهرێ خودانێن كورسيكان ژى، ههر
كهسێ لدوور زڤرى و ئهزمانێ خوه بو حلى كرى بهوستهك برهخ ڤه
بو خو ستاند و بو خودان تشت. ههمى تشت بو نه ههڤكێشه و دا ژيان
برێڤه بچيت، ههمى تشت دبو نه ددو! ههر ژ شهڤ و روژان، رهش و
سپيان، تا دگههيه دوو سهروك وهزيرا و دوو حكومهتا و كهنگى
هاتيه گوهێن مه كورسيك ب ئێكجارى هاتن لێكڤهكرن، شنوى نهعورا
مه لسهر بنێ خو راوهستيا.
ژبێ ئێقبالى و دهردهسهرى و تهوهقوعاتێن مه يێن بلهز،
كهركوك و خانهقين و باژێرێن ديێن تهعريبكرى يێن دميننه لوێڤهى
خهتا 36 ێ، ئهو دارێن مه ب حاسيبێ بو سهرما زڤستانێ ژ چيايى
كێشكرين ژى، يێن هشكاره دبن. ئهو نڤێژێن مه لسهر ستريان ژى
كرين، بهريكێن مه تژى شهكروك نهكرن. خودێ خێركهت بلا وه
بێهنهكا فرهه و درێژ تر ههبيت، دگهل من دا دهستێ خوه بلند
بكهن و بێژن خودێ بكهت وهك پار سال هشكه سالى ڤهكێشيت، ههكه
عهسمان خودێ نهكهت شوينا تهبهلان دارێن قهد كرى ژى ببارينيت!
نه كو دێ كهركوك پێ زڤريت، بهلكو دێ سهرما مه كهته دارهكێ
رهق و قرا مه خرهكا دێ پێ رابيت؟!!
