گهلهك پسیارێن من، هێژ وهك خوه بێ بهرسڤ ماینه و دمهژیێ
مندا چهرخا لێددهن! ژ وان ژى هێژ كامل قهناعهت بو من پهیدا
نهبویه، ژبلى من كهسهك دى دڤێ جیهانێ دا براستى یێ ههى، ئهو
كهس، خودان هزر و رهفتارێن خوهبیت.
سیناریویهكا خهتهرناكه، ئهگهر راستیهك ژبو ههبیت ژى!
ژبهركو ژ بو دهمهكێ درێژ ژ تهمهنێ خو، ئهز لوێ قهناعهتێ
بوم، ئهڤێن لرهخ و دورێن من دژین چ ههڤال، دایك باب، برا و خوشك
و تا ماموستا و ههر كهسێ دكهته بهرچاڤێن من، ههمى ئهكتهرن
دڤێ شانوگهریێ دا. هزرنهكهن كو ئهز هند یێ ئهزوكى بم كو من
خوه بتنێ بڤێت یان من خوه بتنێ ددیت، بهلكو هزرا من بو وێ
خهیالێ دچوو، ههر كوژیێ سهمتا چاڤێن من كهتبایێ، هندهك
ئهكتهر یێ ل سهر ڤێ سیناریویێ كاردكهن، ههمى ژى بتنێ دا كو
ئهز ژ چارچوڤێ ڤێ هزركرنێ دهرنهكهڤم..
سیناریویهكا گهلهك لێكداى بو، ئهگهر راستیهك ژبو ههبیت ژى.
ژبهركو خوشى و نهخوشى، ترس و برس، مرن و ژ دایكبون، دناڤدا
ههبون. ئهز لههوه ناڤهشێرم من گهلهك حهز ژ وێ سیناریوێ
كریه، ب خوشى و نهخوشیێن وێڤه، ژبهر كو من خوه ددیت ئهز دڤى
گهردونى دا كهسهكێ گرنگم.
پشتى عهقلێ بچویكاتیێ دگهل وێ قوناغێ دهرباز بوى ژى، ئهز
نوكه ژى جارنا ب گومان دكهڤم كا ئایا راستیهك ژبو وێ سیناریویێ
ههیه یان نه. بتایبهت ههكو چاڤێ من یان ههكو ئهز ل
دهردورێن خوه سهح و سیێن جیهانێ ژ نێزیك گوه لێدبم، ئهز نه
دادیهكێ لههمى جههكى دبینم. بهلێ ئهز وێ ژى ل ههوه
ناڤهشێرم، كو ئهز ههر جار خوه قانع دكهم، هێژ ئهو سیناریو یا
بهردهوامه و ئهگهر نه ئهڤ پێشكهفتن و دادى و دیموكراسیهتا
ل وهلاتێن بیانى ئاخینكا ل دلێ مه رادهێلیت! پا بوچى ئهو دادى و
دیموكراسیهت، نه دبونه بهشهك ژڤێ سیناریویا ئهز تێدا یێ
بهردهوام؟ بهلێ دیاره ههبونا من و خهونێن من ژى، وهكى
خهونێن رهمێ نه، ههكو ب پێلاڤێ ڤهدخوت، هینگێ ئهز و ئهو
ههردوو هزر دكهین ئهم یێن ههین...
