ههر گاڤا ئهز گهلهك ل سهر ملێ خوهیێ راستێ درێژكری بمینم،
ئهز ههست ب ئێشانا جمبلكا گوهێ خوه دكهم و گهزنكهك ب سهر
لهشێ من دا دچیتهخار. ئهو جارا چارێ بو ئهز دچومه دكانا
(قدوسی) و ههر جارا دچوم ژی من بو تهئكید دكر كو گلوپهكا عهسلی
بدهته من، تشتێ سهیر ژى ژڤێ چهندێ هێژ چركێن ژ پلاكێ كههرهبێ
نههاتی، دا تژی نیڤهكا وێ دكێلهكا سپی بیت و جزایێ من دا گوهێ
من ژ چیس چیسكێ هێتهكێشان و دا بێژنه من، ئهڤ گلوپه نه یا
عهسله ته بومه ئینای.
ژ
هینگێ وهره ههمی تشت لبهر چاڤێن من یێن بوینه عهسل و
نهعهسل، من گلوپ یێن بخو كرینه دهرس، ههر تشتێ ئهز بازاركهم
ژى دێ باش ددهستێن خوه دا گوگرینم، شنوی پارهكێ خودانى دهمێ.
دهما ئهز ل نیڤا بازاری ژی دچم، عهسل و نهعهسل ژ دویرڤه قیت
دكهن. هندهك ددهرسوكێ را سور دكهن، هندهك ب بهردانا ریها و
قوساندنا سمبێلا، هندهك جوانى و كرێتیا بهژن و بالێ دقولپیننه
دكوشا كابویهكێ تهنگ دا و چاڤێن مروڤى ددویڤ خوهرا كێش دكهن.
ههتا تو پسیارا خاستنا ژنهكێ ژى بكهى دێ بێژن ئهڤه ژ
بنهمالهكا عهسله، خودانێ قهسرا هه زهنگینهكێ عهسله،
بهرپرسێ هه تهمهنێ خوه یێ دچول و چیان را برى و خهباتا كرى،
كوردهكێ عهسله. هندهكان عهسلاتى یا بو خوه كریه بالولك و
نانێ خوه دناڤرا دخون، هندهكان ژى یێ كریه قاچك و پهقیشكا پێ
ڤهددهن.
عهسل و عهسلخانه یه، بتنێ ناڤ یێن لێك دهێنه گوهارتن. بهرى
سهرهلدانێ تشتێ نه عهسل ههبو، بو قوناغهك دى و ناڤهك دى كێشا
سهر، گوتنێ توزوبــــــــــــــــا. نوكه ههمى تشت یێ دبنه
ماركه، دهولهت سهرێ بازرگانا و وهلاتێ چینێ و دوبهیا شاما
شهریف، ههر تشتێ ته پشتا خوه پێ گهرم كر، تژى ناڤ دهستێن ته
گلێش بو. سهد رهحمه ل گورا ته بن (قدوس)، هچكو ل سهر دهمێ
ته عهسلاخانێ قیمهتا خوه ههبو، جاروباران تشتێ عهسل ژبن
لهپێن ته دهردكهت..
