09/04/09 چه‌ند چوارينه‌يه‌كى خه‌يام : وه‌رگێرِانى هه‌ژار

چه‌ند چوارينه‌يه‌كى خه‌يام

وه‌رگێرِانى هه‌ژار

ئه‌و رۆژه‌ خودا سانى گيانى ڕانا

ده‌يزانى به‌ كرده‌وه‌م خودايه‌ و زانا

هه‌ر خۆيه‌تى دايناوه‌ هه‌ڵه‌و سه‌رپێچيم

سوتانى جه‌هه‌نده‌مى له‌به‌رچى دانا؟!

* * * *

گۆيا له‌ جه‌هه‌نده‌من ئه‌ويندار و مه‌ست

به‌م واته‌يه‌ پێكه‌نيم و گوستى خۆم گه‌ست

جێى چه‌ند كه‌رى كوڵکنه‌ ئه‌گه‌ر وابێ به‌هه‌شت

يان چۆڵ و بيابان و كپه‌ وه‌ك له‌پى ده‌ست

* * * *

بيستومه‌ به‌هه‌شتێ هه‌يه‌ حۆرى تێدا

روبارى شه‌رِابى پاكى ده‌رِوا پێدا

من لێره‌ مه‌ى و يارێ په‌ياكه‌م چده‌بێ؟

ده‌سكه‌وته‌ كه‌ هه‌ريه‌كن به‌هه‌ردوك رێدا

* * * *

مردن چيه‌؟ كه‌س تێنه‌گه‌يى تا وێستا

ته‌ورات و زه‌بور،تا ده‌گه‌يه‌ ئاوێستا

زۆر كه‌س له‌ ژيان دواوه‌ زانايانه‌

بۆ باسى مه‌رگ گێل و نه‌زان راوێستا

* * * *

گێژى له‌ خه‌يالاَت و گله‌یى به‌ختى ره‌شت

رابوێره‌ هه‌تا به‌جارێ نه‌برِاوه‌ به‌شت

ده‌س بگره‌ به‌ به‌ندى سه‌ر و پرچى جوانێك

تا هه‌ڵنه‌وه‌شێنراوه‌ هه‌مو به‌ندى له‌شت

2008 - 7 - 15  / AM 11:30