16.09.2009 Hestekanim dediwên: biwêr cemîl rencber

Hestekanim dediwên biwêr cemîl rencber demêke îlhamî wuşem naye naw qullayî derunmewe le stûnî barekanim le jwangey şewgarda... Lebanêjey xemekanim le ser singima estêre daydekuta.. eme ç îlhamêke zenwêrî lê dekirdime kêwî pîremegirûn serabî xewnekanim clewî hengawyan ledest deda.... Herlew sate payze xemnakeda ballîkî reşî beserma poşî..ûşekanî yek bediway yek lesêdare dedaw, nazekanim varî bûn bedîtnî oqjinmî xiste nêw dill û derûn... Her lew payzeda xak lêwekanî zerd hellgerra bû.. bo dillopêk baran kirrnoşî xiwênî debird... Bellê bo dillopêk baran kirrnoşî xiwênî debird hêşta şefeqî nedabû, pepûlekan balle firryan bû,,,... Lem payzeda darû dirextekan mat û melûl westabûn, hendê gella zor beastem xoyan belqekanewe ragîr kirdibû, hendêkî tir be kizebaykewe helldeweran û herwek sema bo merig biken... Degwê şil ke bom her xoşewîstî to bû hêzû twanay pê bexişîm zor behêz cngim lem xake gîrkird, toş weku bawkêkî dill gewrew bebezeyy sozî xoşewîstît beserma dabarand û amêzî germit bom kirdewe , ta wam lêhat çepûk û nehametî rojgar ney twanî zeferim pê bibat dillrreqî sirûşt karî tê nekirdim gerdelûlî behêz ney twanî kotayî be dewrim bênê leser şanoy jyana. Nazanim bo debne kosip le rê gewrebûnî xoşewîstîda.. yan deyan wîst benawî xoşewîstî destim le gerdenî ew dilldare bikenewe. Demewê pêt billêm nimek kwêr nîm bezeyym be ballay jyan nêtewe ewendeş dill reqîş nîm ke dax le dill û qîneberbim,,,, demwîst bijîm le jêr asmanêkî bê gewalleda le sayey pirrşingî xorda le xakêkî bijarkirawda...wekû pepuleyek be diway koçî yarekey bikewê...... Emane hemuyan lederûnim bûne tabiloyek ke hîç çwarçîweyek neygirête xoy... Bûne hellbestêk ke mil bo xame şorrnekat.... Daykim begwêma çirpandî bawkit herdêtewe emro yan sibey. Rolle be mang billê ba le hheşargey xoyda arezuwekan nenêjê...tenha bo şewêk aram bigrê zerdexeney wurde estêrekan bikate dyarî , iîwey pê jîrbikatewe., ba merig nwê nekatewe. Bellam bawerr kirdin zor steme ewe nye mang merig nwê dekatewe oqrenagirê eger tirîfey sozî beserda birrjê detwêtewe.. minîş mat û melûl le jwangey jûrekemda le berdem pençerekemewe bebê dengî le naxmewe firmêsik hellderrêjim xew zeferim pê naba.. emcareyan xom hanat bo dênim dellêm babe gyan debmixe naw lafawî xoşewîstî xot minî mestî bê lane arezûy helleka dekem. Lem hewrebaneda seyrêkî daykim kird gûtim dayegyan lêm zûyr mebe min xoşewîstî zorim le naxî to hellmjituwe....bellem kwa dengî babe ,,,,kwa rengî babe.... Ke le ş'rekanit wurdebmewe hest dekem maçim deken maçyan dekem. Herke serdanî gorreket dekem min beşêkim le to toş lemin... Minî zîndû wurde wurde têkellawî gilleket debim ta debme gulle nêrgizêk ke le payzda hellbidem goreket 'etir baran bikem.

2008 - 7 - 15  / AM 11:30

 Copyright (2008) Roshenbiry.com