ويستگهها هنارى
ههر وێستگهههکا دگههمێ ژ دهندكا هنارهكێ سورتره
و عشقا شهنگهى تهڤهكا بوهاريه مينا تليهكا ترێ رهش دناڤ
دهحلهكێ تژى درێكێن سۆردا ئاشكرايه ..
ههر ويستگهههكا دگهل ته دگهههمێ مينا چاڤێت ته كهسكه
و سترانهكا كهسهك دكهته توقهك و پهرجهمێـت دار
زهيتونهكا كهسك دكهته كهزيهكا قههوايى و پهيڤێن ته پێ
گرێدهتن ..
ههمو ويستگههه دگهل ته تلوڤهنه ژ هناريێن شهقلاوه و
بهێيين چهمێن دهوك و هژيرێن باخچهيا فهخريايێ هنده شرينن
مينا شهڤهكا مه جگارهك
بنيڤى كرى و سترانهكا قهد كرى وههر ئێكێ ژ مه قهدهك د
بهلهكونێ دا فرانديه ئاسمانی
وێستگهها رهش
شهپولهكا هار گازى دكهته شهنگهبيهكا توره: وهره پێكڤه
تف كهينه شعرهكا گهنى دناڤ پهرتوكهكا بهرزه نڤستيه ..
پهرتوكهكا سور و رهش دناڤ گورستانێ كهتيه و لاپهرێت وى مينا
ژنهكا بيژن كهس جاڤهكێ خۆ بجوانيا ويدا ناخشينيت
كهس تاقهتا روندكهكا خاڤ نينه بوته برژينته سهر لاپهێت
رومانهكا سور و رهش ههموو وێستگهها لگهل ته بيهنا
كهڤزهكا كهڤنار ژێ دبارى، چدى نهچه سه ر باخچێت ئوميدێ و نزا
بۆ ههلبهستێت خوين زهر نهكه
وێستگهها بارانێ
هندهك ويستگهها تهڤێت سورر هش بارێن من گوته ته
تلوڤێ عشقا مه بكاريتهكێ توند ڤهيه نهترسه
چ
باران مه تهرِ ناكهن و حهوشا مه پيس نهبوويه وهره ته
لبه ر ڤێ بارانا رهش تێر ههمبێز بكهم وتليهكا ترى بكهمه
شهرابهكا رهش و ههريهك ژمه فرهكێ بهردهته سهر سالهكا
رهش و پهيڤهكا رهش و تهڤهكا رهش.
و
پايزهكا شين بكهينه بهرهك بهردهينه خابيرێ بلا بچيت دگهل
تهرمێ پێلهكا بێ ئوميد بنڤيت
وێستگهههكا شين گوتى: ته چيه هنده توره؟ وهره ڤێ سترانێ
بكه ئاوازهكا خهمگين بو شاعرهكێ ئهڤه سهد ساله مرى كهس
نينه ب تفا بالندهكێ بشوتن و بكراسێ ماسيكى بڤهشێريت و چهند
ئايهتێن شهيتانى لسه ر بخوينيت دا بدهينه ئهردى و گورهكێ
وهك وى بچويك بكۆلێن و تێدا بڤهشێرين نهكه ئهڤ بالندا ژ بێهنا
وى مرار بن .. مه تهرِ كر و ئايهتهكا سهلمان روشدى بف كرێ و
هاڤێته سهر مهزارهكێ لتاخهكێ چ َناڤ لسهر دهرگهها نهبوون
..
وێستگهها شاتويى
من شيان ههنه مليون وێستگهها لگهل ته بشهقينم و ئهگهر
ههتاڤهكا من بسوژێت دهستێ ته بهر نادهم دهستێن مه خوههكا
بنهفشى دگريتن و ته دهستێ من بهردا و جگارهكا بهردايى و
ههناسهكا كوير ههلكێشا
ته گوت من تاقهتا رومانهكێ نينه بخوينم، تا من تاقهتا
وێستگههَێت ته ههبيت. هلو هندهك هلهلوكان بچينه و شهرابهكا
سور بكه پهرداغهكێ وهره لبن مێوا ههنێ فرِكهين و دێ بهحسى
بێزاريا سالێ بوته كهم بهلكى بشێم ڤێ بێزارى د چهژنا بوونا
كورێ خودا بسوژم و بزڤرم
چووين و مه فرِهكا هلههلوكان فرِكر
و
روندكێت وى هاتنه خوار گوتى ژ بێزارى ژى حهژ ته دكهم
وگازى كره سترانهكا نڤستى: هلو من بكوژه
من چ نهڤێت .
بتنێ وێستگهها دى ماندى نهبم دا بشێم بوته چيروكا بێزاريا خو و
بالندا بڤهگێرم
گازى كره مێريهكا خاستى: كهنگى دههواتا تهيه؟
گوتێ: ههتا ويستهگهها دى دا عشقى باش فيربم
دێ ئاههنگا خۆ بهينه بن كهپرا تێدا يهكهم خهون ههوه
تێدا ديتى
باشه مێيريا جان
دێچم خۆ ئامادهكهم، تلوڤهكێ عشقى بوته ژ وێستگهها مه ئينم
و ههره بهری
تو سهرێ خۆ بۆ بيكينێ بشۆ. ههره سهرگورستانا شاعرهكێ بێ ناڤ
بكراسێ ماسيا هاتيه ڤه شارتن ئايهتهكا شهيتانى بخوينه و
وهره دێ ژ وێستگهها مه تلوڤهكێ هنارى ببه و ببه بويك و
سترانهكا شاتوى دێ بوته سترينم و دهستێ ته بخهنا عشقا مه
سۆركهم ..
