07/07/09 موسافره‌كێ بێ ئومێد: هلبين باقر

موسافره‌كێ بێ ئومێد

هلبين باقر

من دناڤ توخيبێن خوه‌ دا

ده‌ربازى، وه‌لاتێ نهێنيان بكه‌

يێ كو چ جار ئه‌ز ناس نه‌كريم

نا، من ئه‌و ناس دكر

سه‌ر پشتا هه‌سپه‌كێ باله‌فر بوم

من قه‌ست دكرێ

ل رێيا فرينێ...

وێنێ ئه‌فسانه‌يێ چيايێ چ جار بمه‌خه‌ل نه‌هاتى

دسنگێ عه‌ردى دا زال دبوو

ل به‌ر ده‌نگێ ته‌نهستانێ

هه‌ر پايزه‌ك ژ مێرانيا خو

بره‌نگێن ساروگه‌رم

هه‌مى واتايێن مێياتيێ

بێ ستاره‌ دهێليت و

هه‌ر بهاره‌ك ببێهنا كه‌ڤزا خه‌ريبيێ

چاڤێن زڤستانه‌كا مژ پاقژ دكر

داخ دايێ هاڤينه‌كێ دبوو

ته‌نێ ئه‌زا پوسيده‌

ل رێيا گه‌ريانا دتاڤ سوركێ ده‌

كيژان كراسى لبه‌ر به‌ژنا خو

 كوژيێن ڤالا تێربكم؟

كيژان وه‌رزى؟

 مه‌ستى ل نڤێژا ئاڤاهێى

ل عه‌سمانه‌كێ بێ گونه‌ه

دهێم و دچم

دچم و دهێم

به‌ر ب پياسێن مرنێ و

ته‌ نه‌ دزانى!

چه‌ند ژ مرنێ حه‌ز دكم.