01/07/09 تابلويێن شه‌ڤه‌كا بێده‌نگ: عبدالرحمن بامه‌رنى

تابلويێن شه‌ڤه‌كا بێده‌نگ

عبدالرحمن بامه‌رنى

تابلويێ ئێكێ

"ژن بێى شه‌ڤ نه‌ ژيانه‌"

ژ ته‌نشت مالا مه‌

ئه‌گه‌ر هاتى

ده‌نگى نه‌كه‌ و

تكێنێ ژ په‌نجه‌ره‌يا من نه‌ئينه‌؟!

تابلويێ دوێ

"زه‌لام بێى ژن نه‌ ژيانه‌"

ژن خانمه‌كه‌ و دگه‌ل هه‌تاڤێ درژيێت

دڤێت په‌نجه‌ر په‌سنا وێ بكه‌ن

شوشه‌ نه‌شكێن

هه‌رو من دگه‌ل سپێده‌هيه‌كا دى

ژڤانه‌ و

خه‌ونه‌ك ژ رشتنا حه‌تاڤێ

من ماچى دكه‌ت

هه‌مى شه‌ڤان

تا ده‌رگه‌هێ مالا وه‌ ئه‌ز چيروكا ژ ده‌همه‌نێن ته‌

دڤه‌چنم

تابلويه‌كه‌، تابلو

هه‌مى تشت خوه‌ دگه‌ل ژبير ڤه‌دبه‌ن

دگه‌ل پێكه‌كى ژ شه‌رابه‌كا سورا

توخا توخ

من كه‌رب ژ بارانێ ڤه‌دبن

هه‌كو خوه‌ ب پرچا ته‌ ڤه‌ دخويسينيت و

بێى شه‌رم رويكێن ته‌ ته‌ردكه‌ت

ژن بهه‌مى ته‌مه‌نێ خوه‌

ب بهارێ ڤه‌دچيت!

دعه‌ينيكه‌كا شكه‌ستى را

ژن لێكدانا پارچێن شه‌ڤه‌كێ يه‌ و

ژن خانمه‌كه‌

هه‌مى په‌رتوكێن سه‌حكرنا هه‌يڤێ

ل پێش چاڤانه‌

شاعر هه‌تا جگاره‌كێ دكێشيت

شه‌ڤێ دكه‌ته‌ له‌شفروشه‌ك و

رومانسيه‌تێ

ژ نوتێن موزيكا كه‌مانجه‌كا رويس

دوه‌رينيت

هه‌مى يێن فێر بوينه‌ فرينێ

دفرن، فرن

فرينا هه‌ر بالنده‌يه‌كى ژى ژ روحامنه‌..