 |
|
دهوك ... ئهو كهڤالێ د هزرا من دا وێنهكری !: عبدالرحمن بامهرنى دهوك |
|
دهوك ... ئهو كهڤالێ د هزرا من دا وێنهكری ! عبدالرحمن بامهرنى دهوك
باژێر دبوو لهشهكێ رویس و د كهڤالهكی دا دهاته نمایشكرن! باژێر دبوو كهڤال و ل وهلاتهكێ دویر دهاته وێنهكرن، باژێر دبوو جاده و پیاسه لێ دهاتهكرن!..
باژێر جادهیه و ل سهر شوستهیێن وێ ئهڤێن مهشیا وهردهكا دكرن نیڤهك ژێ مێ و نیڤا مای، خهون بوی مێیاتیێ ڤه ددیتن گومانێن قهرهچهكا مێ چاڤێن ههمیا زیق دكرن نه جوانیا وێ و نه ژ پێچولكا لبهر سینگێ وێ.. ههرو ئێڤاری ئهزىَ ڤێ جادێ دپیڤم و ل مانشێتهكێ كورت بو دگهرم!
ئهز دمامه ل هنداڤ كهڤالێ باژێرێ خوه و كهڤالهكێ ههلاویستی یێن ملێن خوه ددانه بهر ل دهریا ئیجهی دهرباز دبؤن یێن خهون ههین ب سهنگ و گرانیا وان ئاڤاهی بلندكرن، یێن بو خهونان دژیان ل نانی دگهریان
ئهز و كهڤال و بێدهنگی بهرهف ئاوازێن پیانویهكا وهستیایی مه نهدشیا دیوارێن هشیاریێ ب سمین كهڤال .... رویساتی و بێگونههی دبونه ئورگسترایهكا چیایی و ب دهنگ و رهنگ پیاسه دگهل عهوران دكرن و ههمی تشت دبونه خاتر خواستن
ئهزێ ل هنداڤ سیتافكا جادهكا ههییكری د داخوانیهكا سهیر دا مرنا ههلبهستێ دهاته راگههاندن تهڤ میدیایێن جیهانىَ ژبونا ژ دایكبونا كهڤالى دجڤیان مانشێتێن روژنامهیان ب رهشی هاتنه نڤیساندن كهڤال ههبوو ئهزمونهكا نوی یه كهڤال تێدا بهرزهبویی خهلك داجریانه جادا و دروشمێن ههییكرنا كهڤالی بلندكرن!..
ژ هینگێ ئهز و سیتافكا خو پیاسان ل جادهیێن درێژ دكهین ئهز بو ههبونا شعرهكىَ دنڤیسم و شعر، ژبو ههبونا نهخشهیهكێ دی بهردهوامیێ ددهت
جاده ژی هێژ ب دویراتیا سیتافكا وێ یه ژێمای جاده چێكرنا كهڤالهكێ رویسه و كهڤال دنویترین مهزاد دا، چ بها پێ نه هاتهدان!
|
|
2008 - 7 - 15 / AM 11:30 |