عبدالرحمن
بامهرنى
Bamerni77@yahoo.com
ههر ئێكى وهرزهك پێ خوشه، بێهنامن ب وهرزێ پايزێ دهێت. پياسه
و هلكێشانا بێهنێن كوير، جاران ههكو ل سهرێ غاباتى، لهنداڤ تاخێ
قهرهچا من تهماشهى دهوكێ دكر. ههمى تشت رويس و بساناهى
دهاتنه پێش چاڤێت من... تهبهلانێ، مژويلاهيا هاربێن عهسكهريێ
بو. ههردوو بزنێن خالێ حهجى، كو بتنێ خهما وى گههاندنا وان بو
(گر كێريشكى) و ئهڤه دوماهى خهما وى و چهرا بزنێن وى بو!.
پايز دوماهى پێگهها منه. ههر تشتێ من دڤێت بگههمێ ئهز خهونێن
پايزى پێڤه دبينم، پايزا من نه دوماهيا عهمرى و بێ ئومێديێ
يه؟!. ل پايزێ، دار بو ژيانهكا نوى بهلگێن خوه دوهرينن، ل
پايزێ، دار خوه تافيل دكهن، عاشقان فێرى رويساتيێ و بهرائهتێ
دكهن. چهند وهراندنا بهلگان دبينم، ههست ب هلكێشانا بايێ
پايزى دكهم، بيريێن غاباتى و تهبهلانا هاربێن عهسكهريێ و
جوانترين جه كو تو دهوكێ تێدا كونترول بكهى. ئهڤه پايز يا
بدوماهى دهێت و هێژ ئهز نهشيايمه مايكى بدهمه بهر دهڤێ خوه
و پايزا ئهڤ ساله رابگههينم. نه عاشقان دبينم خوه ههمبێز
دكهن، نه دار بهلگێن خوه دوهرينن، نه كهس خوه تێدا تافيل
دكهت و بتنێ تهلارێن بلند، هوتێل و موتێل و ئاڤاهيێن نههێنه
هژمارێ و جاده ژ ترومبێلان دخهندقينه، دهوكا من يا دبيته
باژێرهكێ ئهوروپى؟!! ل دهوروبهرێن من، ئهو غاباتێ هاربێن
عهسكهريێ دوهى لێ تهبهلانێ دكر!! ئهڤرو ههر ئێكى دوو سێ
بلوك يێن هلاڤێتينه سهر ئێك و سهرێ زاروكێن خوه يێن كێشاينه
بن، هێژ خهونێن وان ژ پهيداكرنا نانى و چێكرنا نهانيهكى
دهرباز
نهبوينه. چهند هلباسكى ڤى غاباتى دبم، تراژيديا چيروكا خالێ
حهجى و گر كێريشكى و خانيێن تهجاوز ل پێش چاڤێن منه.
خهلكێ غاباتى ژى وهك من حهژ دهوكێ دكهن، ددرێژاهيا شهڤێن درێژ
دا خهونێن خوه دكهنه يوتوبيا و روناهيێن باژێرى پێ دههژمێرن.
بهلێ نه وهكى من، ژبهركو پايزا وان نه وهكى يا منه و ئهو
پێناسا ئهز ددهمێ ئهو برهنگهكێ دى دبينن، ئهو وهرزێ پايزێ
ددانن دوماهى وهرز بؤ ژيانا خو و وهراندنا بهلگان، يان كو
پيراتى و نزيكبونا مرنێ!... تشتێ ئهز راكێشايمه ڤێ نڤيسينێ، ئهز
چهند قهستا غاباتى و دوباره بيرئينانا بيرهاتنێن خوه بكهم،
ئهز لڤێ تراژيديێ دههلنگڤم!
ههكو بزنێن خالێ حهجى ژ گر كێريشكى دزڤرن ل كيرێ كوتان دبن!،
رهحمه ل گورا تهبن خالێ حهجى، ههكه دا خهمهكا دژى لته
زێدهبيت.
