Diway aşina bûnim be xatu bwêr cemîl rencber
hestim be taybetmendîk kird, ke renge le zorbey herezorî afretanî
kurdî cyabikatewe,bewey ke maweyekî dirêje le willatî hollenda dejêt
û le kilturî kurdî danebirrêt û legell dab winerîtî em willateş xoy
biguncênêt i çalakane karbikat,boye be pêwîstim zanî em çawpêkewtney
legell sazbidem.
*sereta pêm başe eger be kurtîş bêt xot be xiwêneran binasênî?
-min nawm bwêr cemîl rencbere le dayk bûy şarî hewlêrm,yazde sall
debêt le willatî hollenda dejîm le dûrî hemû yadgaryekanmida,ke lem
şare ezîzeda beserim birduwe.
Be xoşhhallyewe dellêm jyan bo min dayke û daykîşim bo min
perstgayeke heta mawm deyperstim.bawkîşim mamostayeke heta diwa
tirpey jyanim rêzî lêdenêm û xoşmidewêt.
Pepule çawgeşekanm(jîwar û hêvar)dû ekiterî be twanan hemû jyanim le
çawyan dexiwênmewe,şwan bo min hawrrê û mîmberêk bo derrbirrînî
hestekanim.
*çon xot lenaw ş'r û edebda dîtewe?
-ş'r nusîn nizîk bûneweye le xeyall û be bergêgî waqî'ewe
derrbirrînêke bo ew hestaney,ke dill aram dekatewe.
Ş'r lelay min mallêke le asman xom û (rencber)m tyayda kodekatewe
wibirînî minallîm her lewê sarêj debê û lewîş kotayî dêt.
Ruhhî babim garîgerî zorî leserim heye û xiwêndinewey her dêrrêk le
ş'rekanî demkate pepuleyekî yaxî hellbişaxêm beser nahheqyekanî
beramberim bwêrane bwestim le berdemyan,çunke xom le naxî rencberêk
dedozmewe,ke pirrawpirr bû le hestî nasik.
Bo min edeb deryayêeke her çend qull bêt meley xoştir debê û
derrbirrînî hestekanim aramim dekat.
*yekem nusînit çîbû û le kwê billawtkirdotewe?
-ewey rastî bêt min le seretay sallanî newetekanewe destim be nûsîn
kird sereta be çîrokî minallan û çawpêketnim legell mindalle
behremendekan,ke le govarî heng billawkirawetewe û zor be
xoşhhallyewe bas le ezmûnem dekem,çunke ewane hemûy seretayek bûn bo
çûne naw deryay xeyall. Herweha çend carêk pexişanim le laperrey
edebî kurdistanî nwê billawkirdotewe,herweha le zorbey sallyadekanî
babim parçe pexişanim xiwêndotewe,bellam ewey cêgay nîgeranîme,ke em
ştaney basim kirduwe û ewaney xoşim weku yadgarî hellim girtibû her
hemûyan fewtan be hoy têkiçûnî şîrazey syasî ew serdemeda.
*diway ewe nusînekanit çîbûyne û êsta hîç nusînêkit leberdest daye?
-lem diwayeda çend carêk pexişan û ş'rim billawkirdotewe be
nawî(menzilgay razekanm)(mnî 'aşq)(rojî bawk)(min û to le dû cemserî
cyawazda)(dûrît le min kewêt)êsta çend ş'r û pexişanêkim
leberdestdaye ke hîwadarim katim hebêt taypî bikem.
*bîrit lewe nekirdotewe ke be zimanî hollendî binusît yan
nusînekanit werbigêrye ser zimanî hollendî?
-ş'r nûsîn zimanêkî paraw şarezayî rêzmanî dewêt bo ewey ş'r be
zimanî bêgane binusî debêt tewawêk amadey em çend xallaney serewe
bibêt,çunke xoy le xoyda serkewtin be dest nahênêt eger neçûbîte
qûllayî edebî em willateda.
Min belamewe zor girnge ke hest û sozim be zimanî dayk derrbibrrim
wate zimanî kurdî.
Wergêran belamewe karêkî asan nîye tam û çêj kemtir debexişêt û hest
be sadeyy dekeyt le ş'rda...min dillnyam rojêk da dêt bîr le nusînî
ş'rî hollendî bikemewe,çunke min hollenda nasnamey duwemme debêt
karêkî bo bikem bo nasandinî nasnamey ş'rî kurdî.
*nûsînit bo mindallan heye?
-nûsîn bo mindallan taweku êsta zyatir le rûy çîrokewe detwanim
billêm zorim le naxe,bellam nem kirdote babetêk leser kaghez
bînusmewe zyatir derrmibrrîwe weku çîrok bo minallekanim hîwadarim
rojgarêk bêt emane hemûyan binûsmewe û be çapyan bighênim.
*ewey min bizanim weku mamostayek waney fêrbûnî zimanî kurdî
dellêtewe,eme çone?
-zmanî kurdî belamewe zor girnge wate zimanî dayk ca nek be tenha
qisekirdin wate (zarekî),bellku nûsîn wate(derrbirrînî)min be zor
hewllmida ke bwarêk birexisênim bo mindallan û gencan ke fêrî zimanî
parawî kurdî bin le rûy nûsîn û qisekirdinewe ca emeş be hewll û
koşşî çend azîzik em hewlle rexisa bo genan û mindallan,ta êsta bo
mawey dû salle berdewmîn ke be xorrayî dersyan pêdellêmewe,her çend
sallî yekem tenha zimanî kurdî nebû,bellku pênaseyekî kilturî kurdî
û nasandinyan be cugirafya û tarîxî willatekeman le pall eweş çend
corêk le hellperrkî kurdîyan fêrbikem emeş bo min serkewtnêk bû le
jyanm,ke bitwanim çend gencêk be kurr û kiçewe pêbgeynim û be
bîrokekanî min aşinabin.
*ç cyawazyek le nêwan afretî kurd û hollendîda debînî?
-mrov le rûy dirust bûnyewe leyek deçin be dû tuxmî cyawazewe,bellam
le rûy kelturî û yeksanî nêwan jin û pyawda eme xallêkî girnge bo
serkewtnî komellge.
Yeksanî le komellgey îslamî zor mehhalle,çunke xoy le xoyda karîgerî
rastewxoy heye leser komellgey kurdî wate êmeş beşêkîn lew
nayeksanyeda afret yan mêyne herdem debêt le pişt perdey 'eybeda
razunyazekanyan bidrikênn,çunke ême komellgeyekî pyaw sallariman
heye bedaxewe.
Jinî kurd hîç cyawazî nîye legell afretî hollendî,bellam be
pêçewanewe jinî kurd be pallawanî hemû ş'rekanmî dezanm,çunke
twanayekî başyan heye bo berengaer bûnewe,erkî rojaneyan be taybetî
le willatî bêganekanda pyawan şayedî ewe deden jin nek nîwey
komelle,bellku sê carekyetî,çunke karî derewe û berêwebirdinî mall û
perwerdekirdinî mindall emane hemûy twana birîqedarekanî afretin.
*karkirdin ta çend toy le nûsîn dûr xistotewe?
-bê katî derdêkî qurse dermanî zor esteme,bellam be her hhall her
çonêk bêt hewlldedem kat bidozmewe.
*hawsereket ta çend yarmetîderte?
-şwan weku hawser hem weku şa'r û nuser ta radeyekî zor yarmetîm
dedat û zor car ş'rekanî bo dexiwênmewe eger raw serencî hebêt pêm
dellêt.ewey rastî bêt min belamewe girng nîye takekanî komell
yarmetî derbin,bellam rêgir nebn,çunke rêgerî eşkencedanî takî
berambere.
*çîtrî girngit heye bîgeynîte xiwêner?
-min zor supasî berêzit dekem whem ew berêzane ke êsta em çaw
pêkewtneyeyan xiwêndotewe em nûsînane le naxî dillmida
hellqullawe.sllaw lew kesaney demnasin û ewey êsta aşinam debin...le
kotayîda
Em ş'retan pêşkeş dekem:
jîlî 'erd
min her minim
Le perawêzî em jîneda
Le bexekanî beheşt xom bidozmewee
Le fetway melakanda
Xom bidzimewee
Min estêreyekm
Hêşta nurî xoşewîstîm
Lê netorawee
Le mallî razekanm
Razî tirî lê şîn debê.
ey hawrrê
Le asmanî bîrkirdinewetda
Qutabixaneyekî le xoşewîstî û
Le amêzî germî xakda
Gullêkî le gullekanî behar.
Min le nêw defterîyadgaryekanm
Nawt dehênm
Toş be xiwa billê
A ewe ew kiçe bû,
Wîstyan be destî(......)serkût bikrê
Le seyzanî zîndan bend bikrê
Jîlî 'erd hellî mijêt.
A(.....)ew kese bû
Leberdem xoşewîstîda
Kirrnuşî bo req debird
Allozanî dekird.
Bellam neyzanî
Pyaw salarî şarekem
Min le tuxmî kesêkm
Jînêkî pirr le tafawî birrîwee
Leberdem qelwezda
Xorragir buwe.
Dillî le baxî vyan awedawee
Xoşî deryayek bû le manay jyan,
Le çirpandinî her wişeyek
Risteyek le dayk debû
Tabilokan memleketêk bûn le xeyall w
Xeyallî waqî' bûn
Le xulqandinî bê dengî.....
min tênagem
Axir bo leberdem asoy bîrkirdinewetda
Tolle sengerit bo degirêt
Riq le amêzit degirê
Şewe zeng manay jyanit pêdebexişê
Jîwer tenha bo xot pesend bê
Emane qallît pênabexişê
nahhezim bot
Lem tirafyeda nazkêş bît
Gellay wişekanit ewgarrî hellgirê
Qan be xot bide w
Barkewtû mebee
Ser çillî bixe naw zerfî reşewee
Ba bo cehenim bêt.
