شوكور ژبو وى!
عبدالرحمن بامهرنى
Bamerni77@yahoo.com
ژيانا وى هند بلهز يا دچيت، ڤهحهويانا وى ل عهردهكى
نينه. گاڤا دمينته بهتال ژى پياسێن وى لنيڤا ژورێ نه و دێ
سويند خوى ئهڤ مروڤه، يێ تهڤنێ تهڤنپيركێ دههلچنيته ڤه
و سهروشنوى يێ درێسيت. ئهزمان خوش و شرين ب تايبهتى ههكو
مێياتى گليزانكێت وى ڤهدكهت، زرتهكيا وى هندى قهسه و
گوتنێن وان دناڤ ئێك را بهێن و بچن، ههرگاڤا سلاڤ ل حازرا ژى
هاته كرن دێ بێژيتێ تو ل سهر سهرێ برايێ خوه. گهر سويند
لمن نهكهڤيت، دوو پێ و دوو دهستێن وى ژ خهلكهكى زێدهترن
و ب كوردى دبێژنه ڤان توخمه مروڤان عهقل جوهى.
ئهڤه نه سالوخهتێن مروڤهكى نه كو ل روژههلاتا ناڤين
بژيت يان ب گوتارهكێ بهرپهرهكێ روژنامهيهكێ رهش كربيت
يان خودبهيا مهلايهكى ل سهر مينبهرێ. ب سهدان ژڤى توڤى ل
سهر جاده و كولانێن دهوكێ پياسان دكهن و كهسێ خوه دبهررا
نهبريه سهرێ وان بكێشيته دكهسپهكێ را و ههر گاڤا دوو
بهر ب گومتلهكى كهفتن ژى وهكى ديوارێ لسهر بهفرێ، هزرا
مه دچيته شهفهقا چراكێ ديوارى و ترومبێلێن مه ژى ل
موزهخانان. سهروكانيا ههمى تشتهكى ژ وهلاتێن دهوروبهر
دههلاڤێژيت و خودێ نهكهت دهراڤ لمه بهێته گرتن، ههكه
سهرێ ئێك دهرزى ژ كراسێ دبهر مهدا بڤهرهسيێت! مه
دهرزيكهك نابيت دهرزيێ خوه دكونا وێرا ببهين، پهحنيهكا
پاتهى ل سهر كراسێ خوه زێدهكهين.
شكور ژبو خودێ گهنجێن مه ل وهلاتێن بيانى ئامانێن
خارنگههێن وان دشون و هاولاتيێن دهرهجه دونه، دا
ئاليسهنگى نهكهڤيته ههڤكێشێ ژى و تول بهدهلانێ ههر
دومێ بكێشيت، مه ژى گێسكێن كهناسێن خوه كرينه ددهستێ پيست
رهشا دا و مه ژى هاولاتيێن دهرهجه دوو ل كوردستانێ ههنه
و ما چيێ ژمه كێمه.
