 |
|
09/02/2010 |
|
ئهز د ئهيفۆرِهكێدا
هۆشهنگ شێخ محهمهد ههولێر 2010
دێ دناف پرتاقالهكيدا نفم بهلكى پهيڤێن من نارنجى بن
دێ د كاغهزهكيدا نيشتهجه بم د پهنچهرێ رِا تهماشا ژيانێ كهم بزانم د كۆلاَنا نيوفولسكابهكيدا پهيڤ چهوا من دكوژيت؟
دێ دبهر پێت پهيڤهكى رِا نفم كا دخهونا خوهدا دگهل كێ دنڤيت؟
زمان كانيكا مرۆڤييه مرۆڤ تاقا ژيانێيه ئهڤ تاقه دڤێ كانيكێدا دێ چهوا پهقيت؟
د سێڤێدا پهياسهكى دكهم ههتا دبمه كرم
دا ببييه سێڤهكا سۆر، دێ خوه كهمه كرمهك سپى ههڤبهندى ژڤێ جوانتر ههيه؟
زمانێ من نهخۆشخانا پهيڤێن سۆتييه
ههره دهف پهيڤهكى
هندى بێژى بساناهييه وهك پهيڤا و هندى بێژى ئالَوزه وهك من ئهڤه .. پهيوهندييا من و تهيه دپهيڤێدا
كهواته بلاپهيڤ بچن سهرێ خوه بكهنه دقهبرا مندا كو دهمهكه ئهز تهرمم، د مهتبهخا نڤيسينهكيدا
مزگهفت و مرۆڤ، ههردوو دێبنه نڤيسين گومبهت و مهمك مناره و كير لێ جهێ وان بگوهورِى دێبنه كارهسات كارهسات ژى پهيڤهكه وهك نامويسێ د وێنهيهكيدا
ژيان پهيڤێ دكهت پهيڤ ژيانێ دكهت
جيهان يهعنى عهدهم چونكه دگهل پهيڤان دچين، نهدناف واندا.
عشق و گى ههردوو دناف مهدا چێدبن گى دكهينه د بيرێ دا عهشقێ ژى دكهينه دبيرێدا بيرێ دعهشقێدا دكهين بيرێ بۆ گى چێدكهين لێ گى دكهينه د عهشقێدا و عشقێ ناكهينه دگيدا سهيره وهك پهيوهندييا من و ته د ئيميلَهكيدا
خوه دكهمه كورسى ، لسهر خوه دروينم
دێبمه گول، نه د باخچهيدا، دناف خوهدا دچرمسم
سهرێ من نهدانه چ ئهردا، دانێ سهر تهنهاييا من
ئهزێ د پاخلا خوهدا.خوه كاويژ دكهم
ئهيفورِهك دبيته سهلكا گلێشێ، ئهز سهيهكى برسيمه و بۆ پارييهكى چوويمه تێدا لێ تو ئهى خوينهرێ تۆرِى .. تو هاتييه چ؟!
وهك قهسابان ، من خوه كهور كر ريڤيك و فاته رهش و ههستيكێن خوه هاڤێتنه ئهردى وهك سهيهكى من راهێلا ههستيكێت خوه
|